لاہور (نمائندہ خصوصی) وزیر اعظم کے معاون خصوصی عطا اللہ تارڑ نے کہا ہے کہ پنجاب اسمبلی میں نمبر گیم انتہائی دلچسپ ہے اور پرویز الٰہی کے خلاف تحریک عدم اعتماد میں سرپرائز دیں گے ۔
سماجی رابطے کی ویب سائٹ ٹوئٹر پر جاری کیے گئے بیان میں عطا تارڑ نے کہا کہ اسپیکر سبطین خان اور ڈپٹی اسپیکر پنجاب اسمبلی واثق قیوم عباسی کے خلاف تحریک عدم اعتماد پر ووٹنگ خفیہ رائے شماری سے ہونی ہے۔انہوں نے کہا کہ اس ضمن میں نمبر گیم انتہائی دلچسپ ہے۔ ہماری بھرپور تیاری ہے اور انشااللہ سرپرائز دیں گے۔ اپنے نمبرز کے حوالے سے مطمئن ہیں الحمدللہ۔
