ممبئی (شوبز ڈیسک) بالی ووڈ اداکارہ پریانکا چوپڑا نے سروگیسی کے ذریعے بیٹی کی پیدائش پر خاموشی توڑتے ہوئے کہا کہ لوگوں کو ان کی میڈیکل ہسٹری پبلک کرنے کا کوئی حق نہیں۔
معروف برطانوی فیشن میگزین ووگ کے فروری 2023کے سرورق کیلئے پریانکا اور ان کی بیٹی مالتی میری کی تصویر کا انتخاب کیا گیا ہے جس کی تصویر پریانکا نے اپنے انسٹا اکائونٹ پر بھی شیئر کی۔
حال ہی میں ووگ کو دیئے گئے انٹرویو میں ہی پریانکا نے بیٹی مالتی کی سروگیسی کے ذریعے پیدائش پر بھی بات کرتے ہوئے انکشاف کیا کہ مجھے طبی پیچیدگیاں تھیں اور یہی وجہ تھی کہ ہم نے سروگیسی کا فیصلہ کیا اور میں شکر گزار ہوں کیونکہ میں اس پوزیشن میں تھی کہ میں سروگیسی کا فیصلہ کرسکی ، ہماری سیروگیٹ بے حد رحم دل اور نرم مزاج تھی جس نے ہمارے اس قیمتی تحفے کی 6ماہ تک حفاظت کی۔
پریانکا نے کہا کہ لوگوں کو ان کی میڈیکل ہسٹری پبلک کرنے کا کوئی حق نہیں کیوں کہ وہ نہیں جانتے کہ وہ کس حال سے گزری ہیں، آپ مجھے نہیں جانتے اور نہ ہی آپ یہ جانتے ہیں کہ میں کن حالات سے، گزری میں اپنی اور بیٹی کی میڈیکل ہسٹری بھی شیئر نہیں کرنا چاہتی، اسی لئے لوگوں کو بھی یہ حق نہیں کہ وہ اس پر بات کریں۔
