دبئی(کامرس ڈیسک)پاکستان کی متحدہ عرب امارات کیلئے رواں مالی سال کے دوران برآمدات میں 28 فیصد اضافہ ریکارڈ کیا گیا ہے ۔
اس بات کا اعلان دبئی میں پاکستانی کمرشل اور ٹریڈ قونصلر علی زیب نے پاکستان قونصل خانے اور پاکستان بزنس کونسل کی سحور محفل سے خطاب کر تے ہوئے کیا ۔انہوں نے کہا کہ جولائی 2024 سے لے کر فروری 2025 تک پاکستان کی 1.2 ارب ڈالرز کی ایکسپورٹس متحدہ عرب امارات کیلئے ہوئی ہیں جو گزشتہ سال کے مقابلے میں 28 فیصد اضافہ ہیں۔پاکستان ایسوسی ایشن دبئی میں سحور محفل کا مقصد دبئی چیمبر آف کامرس میں رجسٹرڈ دیگر ممالک کی بزنس کونسلز اور غیر ملکی سفارتکاوں کو پاکستان ٹریڈ شو کیلئے شرکت کیلئے دعوت دینا تھا۔
پاکستان قونصل جنرل دبئی حسین محمد اور چیئرمین پاکستان بزنس قونصل دبئی شبیر مرچنٹ نے غیر ملکی مندوبین کو پاکستان میں سرمایہ کاری کی دعوت دی۔ پاکستان قونصل جنرل دبئی حسین محمد نے غیر ملکی مندوبین کو پاکستان میں ٹریڈ شو میں شرکت کرنے ولے خواہشمند سرمایہ کاروں کو مکمل تعاون کا یقین دلایا۔
چیئرمین پاکستان بزنس قونصل دبئی شبیر مرچنٹ نے بتایا کہ دبئی سے غیر ملکی سرمایہ کاروں کا وفد لاہور میں میگا ٹریڈ شو میں شرکت کرے گا۔واضح رہے کہ لاہور میں ہیلتھ، انجینئرنگ، اینڈ منرلز شو(ایچ ای ایم) 2025 کا چوتھا ایڈیشن 17 سے 19 اپریل 2025 تک منعقد ہو گا۔
