پاکستان کو عالمی سطح پر پہلا گولڈ میڈل دلوانے والے مایہ ناز پہلوان دین محمد طویل عمر اور صحت کی پیچیدگیوں کے باعث انتقال کر گئے۔ ان کے بیٹے نے وفات کی تصدیق کرتے ہوئے بتایا کہ وہ رواں برس فروری میں 100 برس کے ہو گئے تھے اور کچھ عرصے سے علیل تھے۔
دین محمد نے 1955 کی ایشین گیمز میں ریسلنگ کے مقابلوں میں پاکستان کو پہلا انٹرنیشنل گولڈ میڈل دلوایا تھا، جس سے پاکستان کو کھیلوں کے عالمی نقشے پر ایک الگ شناخت ملی۔ ان کی یہ تاریخی کامیابی نسلوں کے لیے ایک مثال بن گئی۔
پہلوان دین محمد کی نماز جنازہ رات 9 بجے باٹا پور میں ادا کی جائے گی۔ ان کے انتقال پر صوبائی وزیر کھیل ملک فیصل ایوب کھوکھر، صدر پنجاب ریسلنگ ایسوسی ایشن چوہدری ارشد ستار، اور صدر لاہور ریسلنگ ایسوسی ایشن مہر اکرم نے گہرے دکھ اور افسوس کا اظہار کیا ہے۔
