پاکستان کا افغانستان میں چھوڑے گئے امریکی ہتھیاروں کے خلاف عالمی کارروائی کا مطالبہ

پاکستان نے عالمی برادری سے دہشت گرد گروپوں کے زیر قبضہ افغانستان میں چھوڑے گئے غیر قانونی ہتھیاروں کے خلاف کارروائی کا مطالبہ کیا ہے، جو پاکستانی شہریوں اور مسلح افواج کے خلاف استعمال ہو رہے ہیں۔
اقوام متحدہ کی سلامتی کونسل کے آریا فارمولا اجلاس میں پاکستان نے نام نہاد بلوچ لبریشن آرمی، مجید بریگیڈ اور کالعدم ٹی ٹی پی سمیت دیگر دہشت گرد گروپوں کے جدید اور مہلک غیر قانونی ہتھیاروں کے حصول اور استعمال پر تشویش کا اظہار کیا
پاکستان کے مشن کے قونصلر سید عاطف رضا نے اجلاس سے خطاب کرتے ہوئے کہا کہ دہشت گرد گروپوں کے پاس افغانستان میں چھوڑے گئے اربوں ڈالر مالیت کے غیر قانونی ہتھیار ہیں جو پاکستان کے شہریوں اور مسلح افواج کے خلاف استعمال ہو رہے ہیں۔ دہشت گرد تنظیموں کو مخالف ملک کی بیرونی امداد اور مالی معاونت بھی حاصل ہے۔