لاہور: پاکستان ویمن کرکٹ ٹیم نے آئی سی سی ویمنز ورلڈ کپ کوالیفائنگ راؤنڈ کے پہلے میچ میں آئرلینڈ ویمن ٹیم کو 38 رنز سے شکست دے دی۔
پاکستان کی ٹیم نے 217 رنز بنائے، جس کے جواب میں آئرلینڈ کی ٹیم 179 رنز پر آؤٹ ہوگئی۔ آئرلینڈ کی طرف سے گیبی لوئس اور ایمی ہنٹر نے 44، 44 رنز بنائے۔
پاکستان کی طرف سے ڈیانا بیگ نے چار کھلاڑیوں کو آؤٹ کیا، نشرہ سندھو نے تین اور سعدیہ اقبال نے دو کھلاڑیوں کو پویلین کی راہ دکھائی۔
پاکستان کی بیٹنگ کی قیادت عالیہ ریاض نے 52 رنز کے ساتھ کی، جبکہ سدر امین نے 51 اور منیبہ علی نے 32 رنز بنائے۔
آئرلینڈ کی جینی میگوئر نے تین، آرلینے کیلی نے دو اور کارا مری نے دو کھلاڑیوں کو آؤٹ کیا۔
دوسرے میچ میں اسکاٹ لینڈ نے ویسٹ انڈیز کو 11 رنز سے شکست دے کر پوائنٹس ٹیبل پر پہلی پوزیشن حاصل کر لی۔
