پاکستان میں ابتدائی تعلیم کی صورتحال تشویشناک ہے،احسن اقبال

اسلام آباد(نیوز رپورٹر)وفاقی وزیر منصوبہ بندی احسن اقبال نے کہاہے کہ پاکستان میں ابتدائی تعلیم کی صورت حال تشویشناک ہے، ڈھائی کروڑ بچے اسکول سے باہر ہیں۔

اسلام آباد میں تقریب سے خطاب کرتے ہوئے انہوں نے کہاکہ تعلیم کے بغیر کوئی ملک ترقی نہیں کر سکتا، شرح خواندگی 90فیصد تک پہنچانا ہو گی۔احسن اقبال نے کہاکہ بچوں کی علمی صلاحیت سب سے ضروری ہے، مگر تعلیمی نظام میں شامل نہیں، پاکستان میں ہائر ایجوکیشن کی شرح صرف 13فیصد ہے۔

وفاقی وزیر نے کہا کہ بھارت 30فیصد، بنگلا دیش 35فیصد اور چین 70فیصد تک پہنچ چکا ہے، ترقی کیلئے تعلیم ناگزیر وسائل میں اضافہ اور گورننس بہتر بنانا ہو گی۔انہوںنے کہاکہ2019 کے بعد تعلیمی بجٹ کم ہو کر 1.5فیصد رہ گیا ہے، وفاق اور صوبوں کو تعلیم کے لیے وسائل مختص کرنا ہوں گے۔