نیپئر(سپورٹس نیوز) پاکستان اور نیوزی لینڈ کے مابین ایک روز ہ انٹرنیشنل سیریز کا پہلا میچ کل (ہفتہ کو ) کھیلاجائےگا ۔ قومی ٹیم کے عبوری ہیڈ کوچ عاقب جاوید نے کہا ہے کہ کوشش کریں گے نیوزی لینڈ کو 200 سے کم اسکور پر محدود رکھیں۔
میڈیا سے گفتگو کرتے ہوئے جنوبی افریقہ اور آسٹریلیا کی طرح یہاں بھی بالنگ کنڈیشن ہوگی، انہوں نے کہا کہ اِن کنڈیشنز میں بالنگ پر انحصار کریں گے، ہمارے پاس حارث رف بہترین آپشن ہے۔
عبوری ہیڈ کوچ نے ایک اسپورٹس چینل سے بات کرتے ہوئے کہا کہ ون ڈے کرکٹ میں ہماری ٹیم کافی بہتر ہے، ٹی ٹوئنٹی سیریز میں پچز کافی مشکل تھیں۔مجھے امید ہے کہ ہمارے نوجوان ایشیائی کنڈیشنز میں اچھا پرفارم کریں گے،نوجوان کھلاڑیوں میں بہت ٹیلنٹ موجود ہے، ہمیں انہیں پورا موقع دینا ہوگا۔
