کراچی (کامرس ڈیسک)پاکستان اسٹاک ایکسچینج میں کاروباری ہفتے کے دوران مندی رہی۔گزشتہ کاروباری ہفتے کرنسی مارکیٹ میں ڈالر کی قیمت میں اتار چڑھا رہا، انٹر بینک میں ڈالر کی قیمت ہفتہ وار 20 پیسے بڑھ کر 278.95 روپے ہوگئی جبکہ اوپن مارکیٹ میں ڈالر ہفتہ وار 38 پیسے کی کمی سے 280.83 روپے کا ہوگیا۔
ہفتہ بھر میں 100 انڈیکس میں625 پوائنٹس کی کمی ہوئی، کاروباری ہفتے میں انڈیکس 114,880 سے کم ہو کر 114,255 پوائنٹس پر بند ہوا۔ہفتے وار کاروبار کے دوران انڈیکس 1 لاکھ 15 ہزار 596 کی بلند ترین سطح پر ٹریڈ ہوا۔100 انڈیکس کی ہفتہ وار کم ترین سطح 1 لاکھ 11 ہزار 157 پوائنٹس رہی۔
5 روزہ کاروبار کے دوران مارکیٹ کیپٹلائیزیشن میں 62 ارب روپے کمی ہوئی۔مارکیٹ کیپٹلائیزیشن ایک ہفتے میں کم ہو کر 14053 ارب روپے رہ گئی۔ہفتہ کے دوران 49.79 فیصد حصص کی قیمتیں گھٹ گئیں۔بازار حصص میں 836 کمپنیوں کے حصص کی قیمت بڑھ گئی 1107 میں کمی ہوئی۔
٭٭٭٭٭
