پاکستانی فلمی صنعت کے لیے ایک تاریخی لمحہ سامنے آیا جب سپر اسٹار ہمایوں سعید اور ماہرہ خان کی رومانوی کامیڈی فلم ’لوو گرو‘ کا ٹریلر امریکہ کے دل، نیویارک کے مشہور زمانہ ٹائمز اسکوائر کی اسکرین پر چلایا گیا۔ یہ پہلا موقع ہے کہ کسی پاکستانی فلم کو اتنی بڑی بین الاقوامی اسکرین پر جگہ ملی ہے۔
ٹریلر کی نمائش کے وقت فلم کے دونوں مرکزی اداکار ہمایوں سعید اور ماہرہ خان بھی موقع پر موجود تھے۔ انہوں نے شائقین سے ملاقات کی، سیلفیاں بنوائیں اور اس ناقابلِ فراموش لمحے کو سوشل میڈیا پر شیئر کیا، جو دیکھتے ہی دیکھتے وائرل ہو گیا۔
پاکستانی سوشل میڈیا صارفین اور شوبز حلقے اس لمحے کو پاکستانی سینما کے لیے ’نئے دور کا آغاز‘ قرار دے رہے ہیں۔ بین الاقوامی میڈیا نے بھی اس پیش رفت کو سراہا ہے، جو اس بات کی دلیل ہے کہ پاکستانی فلم انڈسٹری اب عالمی سطح پر اپنی موجودگی کا احساس دلانے لگی ہے۔
