سانتیاگو (شوبز ڈیسک)پاکستانی اسٹار جوڑی دانش تیمور اور عائزہ خان کی ریئل میڈرڈ کا فٹبال میچ دیکھتے ہوئے لی گئیں خاص تصاویر فینز میں مقبول ہوگئیں۔
دانش تیمور اور عائزہ خان کا شمار پاکستان کے سب سے مشہور اور پسندیدہ سیلیبرٹی جوڑوں میں ہوتا ہے۔ دونوں اداکاروں کی شادی 2014 میں ہوئی تھی اور ان کے دو بچے حورین اورریان ہیں جو انکے شادی کے رشتے کو مزید مظبوط کر گئے۔ دونوں اپنے اپنے شعبے میں کامیاب اداکار ہیں اور اپنے ڈراموں سے ناظرین کے دلوں پر حکمرانی کرتے ہیں۔
عائزہ کو ان کی خوبصورتی اور شاندار پرفارمنس کے لیے جانا جاتا ہے، جبکہ دانش کو ان کے سنجیدہ ولن کے کرداروں اور ایکشن پیکڈ رولز کے لیے پسند کیا جاتا ہے۔
یہ جوڑا اس وقت یورپ میں چھٹیاں گزار رہا ہے اور ان چھٹیوں کو یادگار بناتے ہوئے دونوں نے ایک ساتھ پوری تیاری سے رئیل میڈرڈ کا میچ بھی دیکھا جس کی تصاویر انہوں نے فوٹو اینڈ ویڈیو شیئرنگ ایپ انسٹاگرام پر شیئر بھی کیں۔ یہ جوڑا 5 اپریل کو سانتیاگو برنابیو اسٹیڈیم میں رئیل میڈرڈ اور ویلنشیا کے درمیان ہونے والے میچ کا مشاہدہ کر رہا تھا۔
