راولپنڈی (نیوز رپورٹر) راولپنڈی میں ستھرا پنجاب پروگرام کی افتتاحی تقریب کا انعقاد کیا گیا۔سینئر صوبائی وزیر پنجاب مریم اورنگزیب نیتقریب میں بحیثیت مہمان خصوصی شرکت کی۔
صوبائی وزیر برائے بلدیات پنجاب ذیشان رفیقِ نے بھی تقریب میں خصوصی شرکت کی۔ اس موقع پر سینئر صوبائی وزیر مریم اورنگزیب نے ستھرا پنجاب پروگرام کا افتتاح کیا۔سینئر صوبائی وزیر پنجاب مریم اورنگزیب نے تقریب سے خطاب کرتے ہوئے کہا کہ راولپنڈی میرا گھر ہے، اس لیے اس پروگرام کا افتتاح کرنے خود آئی ہوں۔ ستھرا پنجاب پروگرام کا مارچ 2024 میں آغاز ہوا۔ شہروں اور دیہاتوں میں صفائی کا مربوط نظام شروع ہو گیا ہے۔
راولپنڈی کی 21 تحصیلوں میں ستھرا پنجاب پروگرام کا آغاز کیا گیا ہے۔ سینئر صوبائی وزیر نے کہا کہ وزیر اعلیٰ پنجاب کی ایک سالہ کارکردگی قابل ستائش ہے۔ ہال میں شرکاء کی تالیاں بتا رہی ہیں کہ وزیر اعلیٰ پنجاب کی کارکردگی بے مثال ہے۔ ستھرا پنجاب نہ صرف انقلابی پروگرام ہے بلکہ یہ معجزہ بھی ہے۔ ویسٹ کو ٹھکانیلگانیکے بعد اگلے مرحلے میں ویسٹ ٹو انرجی پروگرام میں شامل کیا جائے گا۔ ستھرا پنجاب پروگرام کے تحت اب تک تقریباً ایک لاکھ لوگوں کو نوکریاں ملی ہیں۔ ستھرا پنجاب پروگرام پر عملدرآمد شروع ہو چکا ہے۔ انہوں نے کہا کہ کہا جاتا تھا ہم سے بیانیہ نہیں بنتا، ہم فساد کا بیانیہ نہیں بنا سکتے بلکہ ہم کارکردگی کا بیانہ بناتے ہیں۔ اس ملک کے خلاف 4 سال پچھلی حکومت نے سازش کی۔
ملک کی معیشت کو میاں شہباز شریف نے سہارا دیا۔ میاں نواز شریف نے بجلی مہیا کی اور ملک سیاندھرے ختم کیے۔ ملک ڈیفالٹ کا نعرہ لگانے والے مایوس ہو گئے۔ مہنگائی 9 سال کی کم ترین سطح پر آ گئی ہے۔ شرح سود کم ہو گئی ہے، مہنگائی کی شرح میں واضح کمی آئی ہے۔ پاکستان کی عوام کو وزیراعظم اور وزیر اعلیٰ پنجاب مریم نواز شریف کی قیادت پر اعتماد ہے۔ وزیر اعلیٰ پنجاب نے ایک سال میں بے مثال کارکردگی دکھائی ہے،دوسرے صوبے کے لوگ بھی کہتے بیں کہ مریم نواز کام کر رہی ہیں۔ ہر لمحہ وزیر اعلیٰ پنجاب عوام کی بہتری کا سوچ رہی ہوتی ہیں۔
اس سوچ کے تحت 50 ہزار طلبہ کو ہونہار سکالرز شپ دی گئی۔ انکا مذید کہنا تھا کہ اپنا گھر اپنی چھت پروگرام کے تحت مستحقین کو گھر دیے جا رہے ہیں۔ لوگوں کو گھروں کی دہلیز پر مفت ادویات مل رہی ہیں۔ نواز شریف کارڈیالوجی ہسپتال سرگودھا کی او پی ڈی جون میں شروع ہو جائے گی۔ جون 2025 میں 700 سڑکوں کی تعمیر مکمل ہو جائیگی۔ 139 شہروں میں سیوریج کا نظام مکمل کر لیا گیا ہے۔ شعبہ صحت میں لیڈی ہیلتھ انسپیکٹرز کے ذریعے گھر کی دہلیز پر علاج کی سہولیات مہیا کی جائیں گی۔ پنجاب کی بیٹی مریم نواز کا دھی رانی پروگرام اجتماعی شادیوں کا اعلی پروگرام ہے۔
شعبہ زراعت میں کسان کارڈ کا اجراء کیا گیا، سود کے بغیر کسانوں کو قرضے دیے جارہے ہیں۔ ٹریکٹر سکیم کے ذریعے 10 لاکھ کی سبسڈی دی جا رہی ہے۔ وزیراعلی پنجاب کے ماحول دوست ویژن کے تحت لاہور میں ای بسسز متعارف کرا دی گئی ہیں۔ اگست تک 550 ای بسیں پورے پنجاب میں آجائیں گی اور اگلے سال جوں تک 500 مذید ای بسیں آئیں گی۔ گوجرانولہ اور فیصل آباد میں بھی میٹرو بس سروس شروع کریں گے۔
راولپنڈی میں صاف پانی کا 40 ارب کا پروگرام شروع کیا گیا ہے۔ راولپنڈی کا پہلا زچہ و بچہ ہسپتال بھی دسمبر میں شروع ہو جائے گا۔صوبائی وزیر برائے بلدیات پنجاب ذیشان رفیق نے تقریب سے خطاب کرتے ہوئے کہا کہ وزیر اعلیٰ پنجاب کے ویژن کے مطابق پنجاب کے تمام شہروں اور دیہاتوں میں صفائی کا یکساں نظام شروع کیا گیا ہے۔
ستھرا پنجاب پروگرام اپنی نوعیت کا ملکی بڑا منفرد پروگرام ہے۔ اس پروگرام کے تحت 1 لاکھ 25 ہزار سے زائد لوگوں کو روزگار ملے گا۔ تقریب میں رکن قومی اسمبلی طاہرہ اورنگزیب، حنیف عباسی، انجینئر قمر الااسلام، کمشنر راولپنڈی ڈویژن عامر خٹک، آر پی او بابر سرفراز الپا، ڈی سی راولپنڈی حسن وقار چیمہ، پارلیمانی سیکرٹری برائے اطلاعات و ثقافت پنجاب شازیہ رضوان سمیت اراکین قومی وصوبائی اسمبلی پنجاب اور ضلعی انتظامیہ کے افسران نے شرکت کی۔
