گلگت(نیوز ڈیسک )وزیراعظم شہباز شریف کا ایک روزہ دورے پر گلگت بلتستان پہنچنے پر گورنر سید مہدی شاہ اور نگران وزیرِ اعلی جسٹس (ر)یار محمد نے وزیرِ اعظم شہباز شریف کا استقبال کیا۔
وفاقی وزرا احسن اقبال، سردار اویس احمد خان لغاری، عطا اللہ تارڑ، انجینئر امیر مقام، عبدالعلیم خان، ڈاکٹر خالد مقبول صدیقی، مشیر وزیراعظم رانا ثنا اور معاون خصوصی طلحہ برکی بھی وزیرِ اعظم کے ہمراہ تھے ۔وزیرِ اعظم کی گورنر گلگت بلتستان سید مہدی شاہ اور نگران وزیرِ اعلی گلگت بلتستان جسٹس (ر) یار محمد سے علیحدہ علیحدہ ملاقات ہوئی۔
ان ملاقاتوں میں گلگت بلتستان میں جاری ترقیاتی منصوبوں پر پیش رفت، صوبائی امن و امان کی صورتحال اور دیگر صوبائی امور پر تبادلہ خیال کیا گیا۔ وزیرِ اعظم نے گلگت بلتستان کیلئے قابل تجدید توانائی(سولر بجلی) ، سیف سٹیز، لیپ ٹاپ اسکیم و یوتھ بزنس و ایگری لون اسکیم کا افتتاح اور گلگت بلتستان میں 4 دانش سکولز کا سنگ بنیاد بھی رکھا۔
