اسلام آباد(نمائندہ خصوصی)وزارت مذہبی امور نے ڈالرز میں ادائیگی کرنے والے عازمین حج کو قرعہ اندازی سے استثنی کر دیا،
تفصیلات کے مطابق ملک میں جاری مالی بحران کے پیش نظر وزارت مذہبی امور نے بھی عازمین حج کو ڈالر میں ادائیگی کرنے کےلئے ترغیبی پیکج کی آفر کر دی،مجوزہ حج پالیسی 2023 کے اہم نقاط سامنے آگئے،ڈالرز لانے والوں کو خصوصی رعایت دینے کا فیصلہ کیا گیا،
وزارت مذہبی امور نے سرکاری حج اسکیم کا 25 فیصد کوٹہ ڈالرز میں ادائیگی کروانے والوں کے لئے مختص کرنے کا فیصلہ کرلیا،22ہزار 4سو سے زائد عازمین ڈالرز جمع کروانے پر حج قرعہ اندازی کے بغیر حج کریں گے،سرکاری اسکیم کا 25 فیصد کوٹہ اسپانسر شپ سکیم کے تحت ڈالر دینے والوکے لئے مختص ہوگا،
پاکستان روپے میں حج اخراجات جمع کروانے والے حج کے خواہش مند افراد کو قرعہ اندازی میں شامل ہونا ہوگا،حج اخراجات بیرون ملک سے بھیجے گئے ڈالرز سے جمع کرائے جاسکیں گے، سیکریٹری وزارت مذہبی امور نے تصدیق کی کہ وزارت خزانہ نے حج کے لئے دو اربوں ڈالرز کے انتظام سے معذرت کرلی تھی،ڈالرز کی قلت کے سبب حکومت نے 40 کی بجائے 50 فیصد حج کوٹہ پرائیویٹ حج آپریٹرز کو دے دیا،
ڈالرز کی قلت کے سبب سرکاری اسکیم کا مزیدحج کوٹہ پرائیویٹ آپریٹرز کو دیا جا سکتا ہے،سرکاری اسکیم کے تحت فی کس حج اخراجات 12 سے 13 لاکھ روپے تک جا پہنچے، وزیر مذہبی امور نے کہا کہ حج اخراجات میں مزید اضافہ ہو سکتا ہے،پہلے سرکاری اسکیم کے تحت حج اخراجات گیارہ لاکھ روپے وصول کرنے کا فیصلہ کیا گیا تھا۔ڈالر کی قدر بڑھنے پر اب 13 لاکھ روپے وصولی کا فیصلہ ہوا ہے۔اللہ کرے سعودیہ عرب والوں کے دل میں رحم آجائے اور ڈالر سستا ہو جائے،
اطلاعات ہیں کہ سعودی حکومت حج پر ٹیکس میں 18 سے 20 فیصد اضافہ کر رہی ہے،حج پالیسی کی حتمی منظوری وفاقی کابینہ دے گی۔
