نیو یارک(انٹرنیشنل ڈیسک) امریکا سے تعلق رکھنے والے ایک شہری نے ایک بار پھر 52 ہفتوں میں 52 گنیز ورلڈ ریکارڈ توڑ ڈالے، اس سے قبل یہی کارنامہ انہوں نے سال2021 میں بھی انجام دیا تھا۔
تفصیلات کے مطابق امریکی ریاست آئیڈاہو سے تعلق رکھنے والے شہری ڈیوڈ رش نے اس بار بھی 52 ہفتوں میں 52 گنیز ورلڈ ریکارڈ توڑ دیے ہیں۔سائنس، ٹیکنالوجی، انجینئرنگ اور ریاضی کی تعلیم کو پروموٹ کرنے والے ڈیوڈ رش نے سال 2024 کے ریکارڈ ساز سفر کا آغاز 30 سیکنڈ کے اندر اپنے سر پر شیونگ فوم میں پکڑی جانے والی سب سے زیادہ 14 پنگ پونگ گیندوں کا ریکارڈ قائم کر کے کیا۔
اپنی 2021 کی شاندار کامیابی کی بنیاد پر جہاں انہوں نے ہر ہفتے ایک عالمی ریکارڈ توڑا، رش نے اس کارنامے کو 2024 میں بھی دہرایا اور ساتھ ہی گنیز ورلڈ ریکارڈز میں اپنا نام شامل کرنے کی کوشش جاری رکھی۔ڈیوڈ رش نے بتایا کہ اس کارنامے کو انجام دینے کیلیے کئی چیلنجز کا سامنا کرنا پڑا۔ میرے لیے ایک لیٹر لائم جوس کو اسٹرا کے ذریعے تیزی سے پینے کا ریکارڈ سب سے مشکل ثابت ہوا انہوں نے اس بات کا اعتراف کیا کہ اس کوشش کے بعد انہیں کافی مشکلات درپیش آئیں۔اس کے علاوہ سب سے حیرت انگیز ریکارڈ میں سے ایک ریکارڈ تاش کے پتے کو پھونک سے ذریعے سب سے دور پھونکنے کا تھا۔
رش نے اپنی مضبوط پھونک کی طاقت کا مظاہرہ کرتے ہوئے تاش کے پتے کو 33 فٹ اور 4.78 انچ دور تک پھینکا۔ڈیوڈ رش کے مطابق سب سے آسان ریکارڈ باکسنگ گلووز کے ساتھ غبارے پھوڑنا تھا پچھلا ریکارڈ 72 غباروں کا تھا اور انہوں نے ایک منٹ میں 327 غبارے پھوڑ کر نیا ریکارڈ بنا ڈالا۔ڈیوڈ رش کی عالمی ریکارڈز توڑنے کی لگن واقعی متاثر کن ہے، وہ مسلسل اپنی قابلیت کو بڑھاتے ہوئے اپنی منفرد اور محنت طلب کاوشوں سے دنیا کو محظوظ کرنے کی کوشش میں سرگرم رہتے ہیں۔ا
س سے قبل آسٹریلیا کی 35 سالہ خاتون غوطہ خور ایمبر بورک نے زیرِ آب چلنے کا نیا عالمی ریکارڈ قائم کیا تھا۔ایمبر بورک نے ایک سانس میں زیرِ آب 370 فٹ 2 انچ پیدل چل کر گنیز ورلڈ ریکارڈ قائم کر لیا۔ یہ کسی بھی خاتون غوطہ خور کا زیرِ آب چلنے کا سب سے طویل مسافت کا نیا عالمی ریکارڈ ہے۔اس سے قبل ایمبر بورک 17 آسٹریلوی فری ڈائیونگ ریکارڈز اور ایک عالمی ریکارڈ بھی اپنے نام کرچکی ہیں۔
٭٭٭٭٭٭٭
