کرائسٹ چرچ (سٔپورٹس نیوز ) قومی ٹی ٹوئنٹی کرکٹ ٹیم کے کپتان سلمان علی آغا نے کہا ہے کہ نیوزی لینڈ سے جیتنے کا عزم لے کرآئے ہیں، صائم ایوب اور فخر زمان کو مس کریں گے لیکن نئے کھلاڑی باصلاحیت ہیں ، ٹیم کو جتوانے کی صلاحیت رکھتے ہیں۔
نیوزی لینڈ کے خلاف سیریز کے آغاز سے قبل کرائسٹ چرچ میں پریس کانفرنس سے خطاب کرتے ہوئے سلمان علی آغا نے کہا یہاں نیوزی لینڈ میں صرف جیتنے کیلئے آئے ہیں، ہم جانتے ہیں، فینز پاکستان ٹیم سے ناراض ہیں اور ان کی ناراضگی بجا ہے۔ہماری ینگ ٹیم ضرور ہے مگر جیتنے کیلئے پرجوش ہیں، کرائسٹ چرچ کی وکٹ بظاہر گرین نظر آرہی ہے، فاسٹ بالرز کیساتھ سپنرز بھی فائدہ اٹھا سکتے ہیں۔
ان کا مزید کہنا تھا کہ شاہین اور حارث رف کوالٹی بالرز ہیں، اس سیریز میں ان کا کردار ہم ہوگا، کارکردگی میں میں اتار چڑا آنا کھیل کا حصہ ہے، رضوان ،بابر، کا جیت میں اہم کردار رہا ہے، مگر اب ہم نے نیا کمبی نیشن آزمانے کا فیصلہ کیا ہے۔سلمان آغا کا مزید کہنا تھا کہ فخر اور صائم ایوب تیزی سے فٹ ہو رہے ہیں، امید ہے آئندہ سیریز میں دستیاب ہونگے، ہمارا گول ایشیا کپ اور ٹی ٹونٹی ورلڈ کپ کیلئے ٹیم تیار کرنا ہے۔
