اسلام آباد(نمائندہ خصوصی)وزیراعظم شہباز شریف نے کہا ہے کہ نوجوان ملک کے خوشحال مستقبل کی راہ ہموار کرسکتے ہیں،نیشنل اینوویشن ایوارڈ کا مقصد شعبوں میں کاروباری اور جدت طرازی کو فروغ دینا ہے،100نوجوانوں کو 160ملین روپے تک کی گرانٹ دی گئی ہے،آئیڈیاز کے مطابق یہ گرانٹ 2ملین روپے تک جا سکتی ہے۔
منگل کے روز سماجی رابطے کی ویب سائٹ ٹویٹر پر اپنے ایک بیان میں وزیراعظم شہباز شریف نے کہا کہ نیشنل اینوویشن ایوارڈ نوجوانوں کی صلاحیتوں کو سراہتا ہے،100نوجوانوں کو 160ملین روپے تک کی گرانٹ دی گئی ہے،آئیڈیاز کے مطابق یہ گرانٹ 2ملین روپے تک جا سکتی ہے۔
ان کا کہنا تھا کہ پاکستان کو معاشی تےنگی سے نکالنے کےلئے ایسے پروگرامز کو فروغ دینا ضروری ہے،ایسے پروگرامز کا مقصد شعبوں میں کاروباری اور جدت طرازی کو فروغ دینا ہے،مجھے اپنے باصلاحیت نوجوانوں کی قابلیت پر یقین ہے،نوجوان ملک کے خوشحال مستقبل کی راہ ہموار کرسکتے ہیں۔
