اسلام آباد (نمائندہ خصوصی)پاکستان مسلم لیگ (ن)کی نائب صدر اور چیف آر گنائزر مریم نواز شریف نے کہاہے کہ نوازشریف دشمنی کی سوچ اصل میں پاکستان دشمنی اور عوام دشمنی کی سوچ ہے،
اللہ تعالیٰ نے ہر بار نوازشریف کو پلس کیا ، ہر بار مائنس کرنے کی کوشش مائنس ہوگئی، دعاہے ترازو کے پلڑے سب کے لئے برابر ہوں، امید ہے نوازشریف اور ان کے مظلوم ساتھیوں کو” پراجیکٹ” کے کارندوں کی ناانصافیوں سے نجات ملے گی،پاکستان کو ایک نئی شروعات کی ضرورت ہے، ملک کو انتقام، ٹکرائو اور افراتفری سے نجات دلانا ہوگی، ہماری لڑائی مہنگائی، معاشی بدحالی اور بیڈگورننس سے ہے،
نوازشریف لوڈشیڈنگ ، دہشت گردی ختم کی تھی، اب مہنگائی میں کمی کا وعدہ پورا کریں گے۔پاکستان مسلم لیگ (ن) کی سینئر نائب صدر اور چیف آرگنائزر مریم نوازشریف پارٹی کے مختلف ونگز کے اجلاسوں سے خطاب کررہی تھیں ۔پاکستان مسلم لیگ (ن) کے مرکزی رہنما حمزہ شہباز بھی اجلاسوں میں شریک ہوئے ۔ مریم نواز نے کہاکہ نوازشریف کو اللہ تعالی نے سرخرو کردیا ہے، اب پاکستان کو سرخروکرنا ہے۔مریم نواز شریف نے کہاکہ اللہ تعالیٰ نے ہر بار نوازشریف کو پلس کیا ، ہر بار مائنس کرنے کی کوشش مائنس ہوگئی۔ مریم نواز نے کہاکہ نوازشریف کے بغض میں عوام کو سزا دی گئی، امید ہے آج سے عدل کے ایوانوں میں انصاف کی واپسی ہوگی۔
انہوںنے کہاکہ دعاہے کہ ترازو کے پلڑے سب کے لئے برابر ہوں۔مریم نواز شریف نے کہاکہ امید ہے کہ نوازشریف اور ان کے مظلوم ساتھیوں کو” پراجیکٹ” کے کارندوں کی ناانصافیوں سے نجات ملے گی۔ مریم نواز نے کہاکہ نوازشریف دشمنی کی سوچ اصل میں پاکستان دشمنی اور عوام دشمنی کی سوچ ہے۔ مریم نواز نے کہاکہ پاکستان کو ایک نئی شروعات کی ضرورت ہے، ملک کو انتقام، ٹکرائو اور افراتفری سے نجات دلانا ہوگی۔ مریم نواز نے کہاکہ صوبہ سندھ سمیت پاکستان کے کونے کونے میں ترقی کا سفر لے کر جائیں گے ۔
مریم نواز نے کہاکہ ہماری لڑائی مہنگائی، معاشی بدحالی اور بیڈگورننس سے ہے، نوازشریف اور اْن کے ساتھیوں نے بہادری اور ثابت قدمی سے ناانصافیوں کا سامنا کیا۔ مریم نواز نے کہاکہ نوازشریف اور اْن کے ساتھی ہی ملک وقوم کو مسائل کی دلدل سے نکال سکتے ہیں، اللہ تعالی نے پاکستان کی ترقی اورعوام کی خوش حالی نوازشریف کے مقدر میں لکھی ہے۔ انہوںنے کہاکہ لوڈشیڈنگ ، دہشت گردی ختم کی تھی، اب مہنگائی میں کمی کا وعدہ پورا کریں گے۔ مریم نواز نے کہاکہ نوازشریف نے ایٹمی دھماکوں سے پاکستان کا دفاع ناقابل تسخیر بنایا، نوازشریف اب معاشی طورپر پاکستان کو ناقابل تسخیر بنائیں گے، عوام کے چہروں پر اطمینان اورمعاشی آسودگی دیکھنا چاہتے ہیں۔
مریم نواز شریف نے کہاکہ عوام اپنے ووٹ سے نوازشریف کو مضبوط کریں، مہنگائی ہم کم کردیں گے، نوازشریف کو سیاسی طورپر جتنا عوام مضبوط کریں گے، اْتنا ہی پاکستان معاشی طورپر مضبوط ہوجائے گا۔پاکستان مسلم لیگ (ن) کے مرکزی رہنما حمزہ شہبازشریف نے پارٹی تنظیمی ونگز کے اجلاس سے خطاب کرتے ہوئے کہاکہ نوازشریف کو عوام نے جب وزیراعظم بنایا، نوازشریف نے عوام کو ریلیف دیا، وزیراعظم نوازشریف ہی پاکستان اور عوام کے دکھوں کا علاج ہے، نوازشریف نے ہمیشہ پاکستان کے لئے کام کیا۔
انہوںنے کہاکہ نوازشریف پاکستان کے تمام مسائل کا یقینی حل ہے، پاکستان کی عزت، سربلندی اور ترقی کا منصوبہ صرف نوازشریف کے پاس ہے۔ حمزہ شہباز نے کہاکہ نوازشریف خدمت، عزت اور دیانت کا نام ہے، عوام نوازشریف کو وزیراعظم نہیں بنارہے، اپنی خوش حالی کو یقینی بنارہے ہیں، نوازشریف کو ہمیشہ بحرانوں میں حکومت ملی لیکن انہوں نے ہمیشہ ملک کو بحرانوں سے نکالا۔
