نئی دہلی(شوبز رپورٹر)بالی ووڈ کی معروف اداکارہ کترینہ کیف نے کہاہے کہ میرے کے بیوٹی برانڈ نے خودمجھے ذاتی اور پیشہ ورانہ طور پر بہت کچھ سکھایا ہے،وکی میری بات کہنے سے پہلے ہی مطلب سمجھ جاتے ہیں،وہ مجھے ہمیشہ ذاتی اسپیس اوروقت فراہم کرتے ہیں۔
بھارتی میڈیاکے مطابق بالی ووڈ کی معروف اداکارہ کترینہ کیف نے حال ہی میں اپنے شوہر، اداکار وکی کوشل کے بارے میں ایک دلچسپ انکشاف کیا ہے۔ کترینہ نے بتایا کہ وکی ان کی بات کہنے سے پہلے ہی ان کا مطلب سمجھ جاتے ہیں اور یہ بھی جان لیتے ہیں کہ کب انہیں گھر سے باہر جانا ہوگا۔
حال ہی میں فوربس انڈیا لیڈرشپ ایوارڈز میں شرکت کے دوران کترینہ نے مسکراتے ہوئے بتایا کہ جب بھی ان کے گھر پر ان کے بیوٹی برانڈ کے بیوٹی کی میٹنگ ہوتی ہے، وکی فوراً پوچھتے ہیں، آج کیا منصوبہ ہے؟ اور جب وہ جواب دیتی ہیں کہ کے بیوٹی کی میٹنگ ہے، تو وکی سمجھ جاتے ہیں اور کہتے ہیں،اچھا، مطلب آج تم چاہتی ہو کہ میں پورا دن گھر سے باہر رہوں۔کترینہ نے بتایا کہ وکی ہمیشہ انہیں ذاتی اسپیس اور وقت فراہم کرتے ہیں، خاص طور پر جب وہ اپنے بیوٹی برانڈ سے متعلق اہم فیصلے کر رہی ہوتی ہیں۔
انہوں نے اعتراف کیا کہ ان کے بیوٹی برانڈ نے انہیں ذاتی اور پیشہ ورانہ طور پر بہت کچھ سکھایا ہے۔کترینہ نے کہاکہ میں نے ایک بڑی بات سیکھی ہے جو میرے شوہر ہمیشہ کہتے تھے اور وہ یہ ہے کہ مجھے بولنے دو، ہر کسی کو اپنی بات کہنے کا موقع دینا ضروری ہوتا ہے اور اب وکی بھی سمجھ چکے ہیں کہ مجھے بھی اپنی بات مکمل کرنی چاہیے۔
