لاہور(شوبز ڈیسک) نامور اداکارہ ریما نے کہا ہے کہ میری تین فیملیاں ہیں او رمجھے تینوں سے بڑا پیار ہے، جو ایک لڑکی کے خواب ہوتے ہیں میرے وہ تمام خواب پورے ہوئے ہیں،مجھے خدا کی ذات نے ہر وہ نعمت عطا کی ہے جس کی کوئی انسان خواہش رکھتا ہے۔
ایک انٹر ویو میں ریما نے کہاکہ میری ایک فیملی وہ ہے جہاں میںپیدا ہوئی پرورش پائی،دوسری میرے سسرال کی فیملی ہے اور تیسری شوبز انڈسٹری ہے جس میں زندگی کا وقت گزارا۔ہر فیملی کی میری زندگی میں بڑی اہمیت ہے اور میں کسی کو بھی فراموش نہیں کر سکتی۔
انہوںنے کہا کہ جب بھی پاکستان آتی ہوں اپنی شوبز کی فیملی کو وقت دیتی ہوں۔ میں خوش قسمت ہوں کہ میری تین فیملیاں ہیں اور مجھے تینوں فیملیوں میں بڑی محبت ملی ہے۔ انہوں نے کہا کہ اپنی شادی شدہ زندگی بڑے اچھے طریقے سے گزار رہی ہوں۔مجھے خدا کی ذات نے ہر طرح کی نعمت عطا کر رکھی ہے۔ جو ایک لڑکی کے خواب ہوتے ہیں میرے وہ تما م خواب پورے ہوئے ہیں۔
