کراچی (کورٹ رپورٹر) انسداد دہشت گردی کی عدالت نے پولیس موبائل نذر آتش کیے جانے کے مقدمے میں پی ٹی آئی رہنما حلیم عادل شیخ کو عدالتی ریمانڈ پر جیل بھیج دیا ۔
انسداد دہشتگردی منتظم عدالت نے مبینہ ٹاون تھانے میں پولیس موبائل نذر آتش کرنے کے مقدمے کی سماعت ہوئی۔ پولیس نے تحریک انصاف سندھ کے صدر حلیم عادل شیخ کو عدالت میں پیش کیا۔ تفتیشی افسر نے بتایا کہ ملزم سے ابتدائی تفتیش مکمل کرلی گئی ہے۔ عدالت نے ملزم حلیم عادل شیخ کو عدالتی ریمانڈ پر جیل بھیجنے کا حکم دیدیا۔ عدالت نے تفتیشی افسر کو آئندہ سماعت پر چالان پیش کرنے کا بھی حکم دیا ہے۔
سماعت کے بعد حلیم عادل شیخ کی نے غیر رسمی گفتگو میں کہا کہ پی ڈی ایم نے نگران حکومت کو بھی مشکل میں ڈال دیا ہے۔ نگران حکومت ڈالر پکڑتی ہے تو چینی ہاتھ سے نکل جاتی ہے۔ سندھ کے ساتھ پیپلز پارٹی نے ظلم کیا ہے۔ میں اسمبلی فلور پر کہا تھا کہ کچے کے ڈاکو بعد میں عذاب بنے گے۔ جب تک پکے کے ڈاکو نہیں پکڑے جاتے، کچے کے ڈاکو نہیں پکڑے جائیں گے۔ میرے خلاف سیاسی مقدمات بنائے گئے تھے۔
اب ایک جعلی مولوی کو پکڑ کر میرے خلاف پرایئویٹ کیس بنایا گیا ہے۔ ہمارے شہدا نے ہمارے لئے قربانیاں دی ہیں۔ کل سے یوم شہدا کے سلسلے میں چراغاں کئے جارہے ہیں۔ سندھ بھر میں بھرپور انداز میں یوم شہدا منایا جارہا ہے۔