لاہور (کرائم رپورٹر ) 2022 میں بھی منشیات کے استعمال میں کمی نہ ہو سکی بلکہ تشویش ناک حد تک اضافہ دیکھنے میں آیا لاہور کی سڑکوں باغوں اور فٹ پاتھوں میں 503 افراد زندگی کی بازی ہار گئے آئس نوجوانوں کا فیورٹ نشہ رہا۔ مردوں کے ساتھ ساتھ خواتین کی تعداد میں اضافہ ہوا۔
کنسلٹنٹ انسداد منشیات مہم سید ذوالفقار حسین نے سال 2022 میں منشیات کے استعمال اور فروخت کے حوالے سے سالانہ رپورٹ پیش کرتے ہوئے بتایاکہ منشیات پر بنائی گئی رپورٹ ڈرگ ایڈوائزری ٹرینیگ حب نے یاکفین کے تعاون سے تیار کی۔ اس موقع پرعدیل راشد ڈاکٹر شعیب ظفر پروگرام کواڈینٹر سید محسن، ڈاکڑ اکرام سمیت ڈرگ ایڈوائزری ٹریننگ حب کے نمائندوں نے شرکت کی۔
سید ذوالفقار حسین نے کہا کہ لاہور کی سڑکوں پر 20 ہزار انجکشن روزانہ کی بنیاد پر فروخت ہوئے سال 2022 میں لاہور شہر میں 503 بے گھر نامعلوم منشیات کے عادی افراد جان کی بازی ہار گئے بے گھر افراد کی لاشیش فٹ پاتھوں، پارکوں اور سڑک کنارے پائی گیئں۔انہوں نے کہا کہ ٹبی سٹی۔ پرندہ مارکیٹ، مسلم ٹاؤن نہر، کاہنہ، داتا دربار اور بھاٹی گیٹ کے علاقوں میں نامعلوم نشئ افراد کی تعداد زیادہ رہی۔۔رپورٹ کے مطابق اپر کلاس کے نوجوانوں میں کرسٹل آئس،کوکین ہیروئن اور ایل ایس ڈی گولیوں کے استعمال میں کمی نہ ہوئی نشہ کرنے کے حوالے سے لاہور شہر کے 120 مقامات میں کمی کی بجائے عادی افراد کی تعداد میں اضافہ دیکھنے میں آیا۔
سید ذوالفقار حسین نے مذید بتایا کہ گڑھی شاہو شملہ مزنگ گنگا رام علی پارک داتا دربار بھاٹی گیٹ ٹیکسالی گیٹ، پرندہ مارکیٹ، بھاٹی گیٹ ملتان روڈ چوبرجی سبزازار ٹھوکر نیاز بیگ کاہنہ مغل پورہ لال پل اک موریہ پل ریلوے اسٹیشن مصری شاہ لاری اڈا بادامی باغ شاہدرہ امامیہ کالونی شمالی لاہور دھرم پورہ اچھراہ وحدت روڈ ملتان روڈ میں نشہ کا رحجان زیادہ رہا۔سید ذوالفقار حسین نے کہ منشیات کے عادی افراد کی بحالی کیلئے 2022 میں بھی 8کوئی نیا ہسپتال یا بیڈ کی تعداد میں اضافہ نہ ہو سکا۔ انہوں نے کہا کہ لاہور میں 30 ہزار منشیات کے عادی افراد کو علاج کی فوری ضرورت ہے۔
