اسلام آباد (کامرس رپورٹر)عالمی سطح پر خام تیل کی قیمتیں تین ہفتوں کی بلند ترین سطح پر پہنچ گئیں جس کے باعث پاکستان میں بھی پیٹرول اور ڈیزل کی قیمتوں میں رواں ماہ اضافے کا امکان ہے۔
میڈیا رپورٹ کے مطابق عالمی سطح پر برینٹ کروڈ فیوچرکی قیمت 0.35فیصد بڑھ کر 77.32ڈالر فی بیرل تک پہنچ گئی ہے، جو تین ماہ کی بلند ترین سطح پر ہے۔ یہ اضافہ خام تیل کیلئے مسلسل تیسرے ہفتہ وار فائدہ کی بھی نمائندگی کرتا ہے، جو تین سال کی کم ترین سطح تک گرنے کے بعد ہے۔
دوسری جانب اوگرا نے نظرثانی شدہ قیمتوں کی تجویز پیش کی ہے جسے وزیراعظم اور فنانس ڈویژن حتمی شکل دیں گے، منظوری کے بعد نئے نرخ رواں ماہ 16جنوری سے لاگو ہوں گے۔
