کابل (سپورٹس ڈیسک)افغانستان کرکٹ بورڈ نے ملاپ پردیپ کمار میوادا کو ٹیم کا بیٹنگ کوچ مقرر کر دیا جبکہ ملاپ میوادا نے سری لنکا میں افغانستان کرکٹ ٹیم کو جوائن کر لیا۔
ملاپ میوادا اس سے پہلے بنگلادیش کے خلاف سیریز میں افغان ٹیم کے ساتھ کام کر چکے ہیں،ملاپ میوادا کی بطور فل ٹائم بیٹنگ کوچ پاکستان کے خلاف پہلی سیریز ہو گی۔ملاپ پردیپ کا تعلق بھارت سے ہے،ملاپ میوادا بھارت میں متعدد لوکل ٹیموں کی کوچنگ کر چکے ہیں۔
افغانستان کرکٹ ٹیم ان دنوں ہیمبنٹوٹا میں پاکستان کے خلاف ون ڈے سیریز کی تیاریوں میں مصروف ہے۔پاکستان اور افغانستان کی کرکٹ ٹیموں کے درمیان پہلا ون ڈے میچ 22 اگست کو کھیلا جائے گا۔
