بالی ووڈ کی مشہور اداکارہ اور رقاصہ راکھی ساونت سے شادی کی خواہش رکھنے والے پاکستانی مذہبی شخصیت مفتی قوی نے عید کے موقع پر راکھی کے لیے ایک خاص پیغام بھیجا ہے۔
سوشل میڈیا پر گردش کرنے والے ایک حالیہ انٹرویو میں مفتی قوی کو راکھی ساونت کے لیے محبت کا اظہار کرتے ہوئے سنا جا سکتا ہے۔ انہوں نے اپنے پیغام میں کہا، "فاطمہ بنو یا راکھی بنو، مگر میری شریکِ حیات بنو۔” مزید برآں، انہوں نے بتایا کہ وہ پہلے بھی راکھی کے لیے محبت بھرے پیغامات بھیج چکے ہیں، لیکن یہ پہلا موقع ہے جب انہوں نے عید پر انہیں عیدی دینے کی بات کی ہے۔
یاد رہے کہ راکھی ساونت نے ماضی میں ایک پاکستانی نوجوان سے شادی کرنے کی خواہش ظاہر کی تھی، جس پر مفتی قوی نے نہ صرف شادی کی پیشکش کی بلکہ بھاری مالیت کے تحائف دینے کا عندیہ بھی دیا تھا۔
قبل ازیں، پاکستانی ماڈل اور اداکار دودی خان نے بھی راکھی کو شادی کی پیشکش کی تھی۔ راکھی نے مفتی قوی کی خواہش پر تبصرہ کرتے ہوئے مزاحیہ انداز میں کہا تھا کہ اگر وہ اپنا وزن کم کر لیں تو زیادہ بہتر ہوگا۔
اپنے حالیہ انٹرویوز میں راکھی ساونت نے مفتی قوی کی پیشکش پر حیرانی کا اظہار کرتے ہوئے کہا کہ انہیں نہیں معلوم کہ مفتی قوی کی پہلے سے کتنی بیویاں ہیں، لیکن وہ خود ایک لاکھ عورتوں کے برابر ہیں۔ راکھی نے مزید کہا کہ مفتی قوی انہیں سنبھال نہیں سکیں گے اور یہ بھی واضح کیا کہ وہ امیر افراد کو زیادہ ترجیح دیتی ہیں، اس لیے اگر کوئی خوشحال ہے تو وہ ان کے لیے قسمت آزما سکتا ہے۔
