معیشت کے بہتر ہوتے اشاریے ملک و قوم کیلئے اچھی نوید ہے ‘ اشرف بھٹی

لاہور( کامرس رپورٹر)آل پاکستان انجمن تاجران کے مرکزی صدر اشرف بھٹی نے کہا ہے کہ معیشت کے بہتر ہوتے اشاریے ملک و قوم کیلئے اچھی نوید ہے اور امید ہے کہ آنے والے مہینوں میں اس کے اثر ات عام آدمی تک منتقل ہوںگے ،حکومت کو معیشت میں تاجروں کی اہمیت کو نظر انداز نہیں کرنا چاہیے ۔

اپنے بیان میں اشرف بھٹی نے کہا کہ تاجروں کے بہت سے دیرینہ مسائل ہیں جو حل طلب ہیں ، وزیر اعلیٰ پنجاب مریم نواز شریف اپنے والد نواز شریف اور چچا شہباز شریف کی خدمت او ر ترقی کی میراث کو لے کر آگے بڑھ رہی ہیں جس پر انہیں خرا ج تحسین پیش کرتے ہیں ،

ہم امید کرتے ہیں کہ وزیر اعلیٰ مریم نواز شریف مسائل کے حوالے سے تاجروں کی نمائندہ تنظیموں کے ذمہ داران سے ملاقات کا بھی اہتمام کریں گی اور ان کے مسائل سے آگاہی حاصل کر کے انہیں حل بھی کرائیں گی ۔ پنجاب حکومت فی الفور پارکنگ پلازوں کی تعمیر کا آغاز کرے کیونکہ غیر معمولی تاخیر ہونے کی وجہ سے پہلے ہی ان کی لاگت بہت زیادہ بڑھ چکی ہے ۔
٭٭٭٭٭