مزاحیہ اداکار مستانہ کو اپنے مداحوں سے بچھڑے 12برس بیت گئے

ٹھٹھہ صادق آباد(شوبز ڈیسک)ملک کے معروف مزاحیہ اداکار مستانہ کو اپنے مداحوں سے بچھڑے 12برس بیت گئے ہیں۔

مستانہ نے ٹی وی، سٹیج اور تھیٹر پر سینکڑوں ڈراموں میں یاد گار مزاحیہ کردار ادا کئے ان کا شمار صف اول کے کامیڈین میں ہوتا تھا جبکہ انہیں بہترین پنجابی سٹیج ایکٹر ہونے کا اعزاز بھی حاصل تھا۔انہوںنے اداکاری کے ہر شعبہ میں اپنی صلاحیتوں کے جوہر دکھائے یہی وجہ ہے کہ پاکستان میں ان کے مداحوں کی تعداد لاکھوں میں ہے۔

یہاں یہ امر بھی قابل ذکر ہے کہ اپنی وفات سے کچھ عرصہ قبل مستانہ نے سٹیج ڈراموں میں فحش پن کا عنصر نمایاں ہو نے پرسٹیج سے ریٹائر منٹ کا اعلان کر دیا تھا۔ اداکار مستانہ 11اپریل 2011ء کو ہیپاٹائٹس کے خلاف موت و حیات کی طویل جنگ لڑتے ہوئے خالق حقیقی سے جا ملے۔