لاہور (ہیلتھ ڈیسک)نگران صوبائی وزیرصحت ڈاکٹرجاویداکرم نے مقامی ہوٹل میں تیسری پاکستان نیشنل ڈیجیٹل ہیلتھ کانفرنس میں بطورمہمان خصوصی شرکت کی ۔
اس موقع پر ڈاکٹراظفرملک،محمدانصار،پروفیسرڈاکٹرفریحہ فاروق،میاں محمد اکرم شاہد،علی شوکت اور ڈاکٹرزکی کثیرتعدادنے شرکت کی۔کانفرنس کا باقاعدہ آغازتلاوت قرآن پاک اور قومی ترانہ سے کیاگیا۔مقررین نے ڈیجیٹل ہیلتھ کے حوالہ سے خیالات کااظہارکیا۔نگران صوبائی وزیرصحت ڈاکٹرجاویداکرم نے مہمانوں کے درمیان ایوارڈبھی تقسیم کئے۔نگران صوبائی وزیرصحت ڈاکٹرجاویداکرم نے اظہارخیال کرتے ہوئے کہاکہ انتہائی اہم موضوع پر کانفرنس کے انعقادپرمنتظمین کو مبار کباد دیتا ہوں۔
لاہورکے سرکاری ٹیچنگ ہسپتالوں میں روزانہ کی بنیادپر50ہزارسے زائدمریضوں کو اوپی ڈی میں دیکھاجاتاہے۔مریضوں کے علاج میں ڈیجیٹل ہیلتھ سسٹم بنیادی اہمیت اختیارکرچکاہے۔پنجاب میں آرٹیفشل انٹیلی جنس کانظام متعارف کروایاگیاہے۔پوری دنیامیں آرٹیفشل انٹیلی جنس کا نظام قلیدی کردار ادا کر رہا ہے۔ ڈاکٹرجاویداکرم نے کہاکہ پنجاب کے تمام کارڈیالوجی ہسپتالوں میں دل کے مریضوں کو پرائمری انجیوپلاسٹی کی 24/7سہولت فراہم کی جارہی ہے۔پنجاب کے سرکاری ہسپتالوں میں ادویات کی کمی کوترجیحی بنیادوں پر پوراکرنے کیلئے آن لائن ڈیش بورڈکی مدد حاصل کی جارہی ہے۔
پنجاب کے سرکاری ہسپتالوں میں مریضوں کا محفوظ علاج ہماری اولین ترجیحات میں شامل ہے۔کوروناکی وباء نے پوری دنیاکے صحت کے نظام میں تہلکہ مچادیاہے۔کوروناکی وباء صحت کے نظام میں جدت اور ریسرچ کا اختتام نہیں بلکہ آغازتھا۔پنجاب آئی ٹی بورڈکی مددسے صحت کے نظام میں جدت لارہے ہیں۔پنجاب کے تمام سرکاری ہسپتالوں میں ایچ آئی ایم ایس نظام فعال کرناچاہتے ہیں۔
ڈاکٹرجاویداکرم نے بتایا کہ پنجاب کے تمام نرسنگ سکولوں کونرسنگ کالجزکا درجہ دے دیاگیاہے۔نگران وزیراعلی پنجاب سیدمحسن نقوی کی قیادت میں عوام کو صحت کی بہترسہولیات کی فراہمی کیلئے کوشاں ہیں۔
٭٭٭٭٭
