کھٹمنڈو(سپورٹس ڈیسک )دنیا کی بلند ترین چوٹی ماﺅنٹ ایورسٹ سر کرنے کی فیس میں اضافہ کر دیا گیا۔ امریکی میڈیا کے مطابق نیپال نے ماﺅنٹ ایورسٹ سر کرنے والے کوہ پیماﺅں کے لیے فیس میں 35 فیصد اضافے کا فیصلہ کیا ہے،مانٹ ایورسٹ سر کرنے والے کوہ پیماﺅں کے لیے فیس 15 ہزار ڈالر تک ہوجائے گی ۔
واضح رہے کہ گزشتہ سال مئی میں نیپال کی سپریم کورٹ نے حکومت کو بلند پہاڑ سر کرنے کے لیے کوہِ پیماں کو محدود تعداد میں اجازت نامے جاری کرنے کا حکم دیا تھا،عدالت کے فیصلے میں کہا گیا ہے کہ پہاڑوں کے استعداد کا خیال رکھنا لازم ہے۔ اس لیے کوہ پیمائی کے لیے ایک مخصوص تعداد کا تعین کرنا ضروری ہے۔ دنیا کی 10 بلند ترین چوٹیوں میں سے آٹھ نیپال میں ہیں جن میں دنیا کی سب سے بلند چوٹی مانٹ ایورسٹ بھی شامل ہے۔
