لاہور(نیوز رپوٹر)پاکستان تحریک انصاف کی سینئر رہنما مسرت جمشید چیمہ نے کہا ہے کہ موجودہ حالات میںقوم کے اتحاد میں سب سے بڑی رکاوٹ حکومت خود ہے
حکمرانوں کی ضد اوراناء کی وجہ سے حالات ابتر ہو رہے ہیں لیکن انہیں کوئی پرواہ نہیں، قومی سطح کے فیصلوں میں عمران خان کی شمولیت کے بغیر ملک میں پائیدار استحکام نہیں آ سکتا۔ اپنے بیان میں مسرت جمشید چیمہ نے کہا کہ موجودہ حکومت کو عوام کی تائید حاصل نہیں ، بند کمروں میں کئے جانے والے فیصلوں کی وجہ سے ملک تباہی کے دہانے پر پہنچ چکا ہے ۔
انہوں نے کہا کہ پاکستانی قوم کا ایک ہی سوال ہے عمران خان کو کس جرم کی پاداش میں جیل میں رکھا گیا ہے ، پارٹی رہنمائوں کو ان سے ملنے میں رکاوٹیں ڈالی جاتی ہیں،اہم معاملات پر مشاورت کے لئے بھی ملاقاتوں کی اجازت نہیں جاتی ۔ انہوںنے کہا کہ موجودہ حکمران جس طرح کے فیصلے کر رہے ہیں اس سے حالات مزید خراب ہو رہے ہیں ، اب بھی وقت ہے کہ ہوش کے ناخن لئے جائیں تاکہ پاکستان مشکلات کی دلدل سے باہر نکل کر ترقی کی جانب گامزن ہو سکے ۔
