سلام آباد(نیوز رپورٹر)قائمقام صدر یوسف رضا گیلانی نے قومی اسمبلی کا اجلاس10فروری کو طلب کر لیا۔تفصیلات کے مطابق قائمقام صدر یوسف رضا گیلانی نے قومی اسمبلی کا اجلاس پیر 10فروری کو شام 5بجے طلب کیاہے ، اجلاس کا ایجنڈا ایک روز قبل اتوار کو جاری کیا جائے گا۔
گزشتہ اجلاس میں قومی اسمبلی نے وفاقی وزیر رانا تنویر کی جانب سے پیش کیے گئے پیکا ایکٹ ترمیمی بل 2025 کو منظور کیا تھا جس پر صحافیوں نے احتجاج کرتے ہوئے پریس گیلری سے واک آؤٹ کیا تھا۔
حکومت کی کسی بھی اتحادی جماعت کی جانب سے پیکا ایکٹ ترمیمی بل 2025 کی مخالفت نہیں کی گئی تھی جبکہ اپوزیشن بل پیش کیے جانے سے قبل ہی واک آؤٹ کر چکی تھی۔اسی طرح قومی اسمبلی نے ڈیجیٹل نیشن پاکستان بل 2024ء بھی کثرت رائے سے منظور کیا تھا۔
ڈیجیٹل نیشن پاکستان بل کے تحت 18رْکنی قومی ڈیجیٹل کمیشن تشکیل دیا جائیگا جس کی صدارت وزیراعظم پاکستان کریں گے۔چاروں صوبوں کے وزرائے اعلیٰ، وفاقی وزراء ،چیئرمین ایف بی آر،چیئرمین نادرا، کمیشن کا حصہ ہوں گے، چیئرمین پی ٹی اے،چیئرمین ایس ای سی پی، گورنر اسٹیٹ بینک کمیشن کا حصہ ہوں گے۔
