ممبئی (شوبز ڈیسک) بالی ووڈ کنگ شاہ رخ خان نے فلم پٹھان کی باکس آفس پر شاندار کامیابی کا سلسلہ جاری۔بھارتی میڈیا رپورٹ کے مطابق، فلم پٹھان نے باکس آفس پر 5 روز میں 500 کروڑ بھارتی روپے سے زائد کا بزنس کرلیا ہے۔
رپورٹ میں یہ بھی بتایا گیا ہے کہ ابتدائی اندازوں کے مطابق فلم کا بھارتی باکس آفس پر بزنس 300 کروڑ روپےسے زائد ہو گیا جبکہ مجموعی طور پر یہ فلم دنیا بھر میں پہلے ہی 550 کروڑ بھارتی روپے کا بزنس کرچکی ہے۔
فلم کی کامیابی کا یہ سلسلہ جلدی تھمنے والا نہیں ہے کیونکہ ماہرین نے یہ پیشگوئی کردی ہے کہ فلم کی شاندار کامیابی کی رفتار اگر یہی رہی تو آنے والے دنوں میں یہ جلد ہی 700 کروڑ بھارتی روپے کمانے والی فلم بن جائے گی۔
واضح رہے کہ 25 جنوری کو ریلیز ہونے والی ایکشن سے بھرپور فلم پٹھان میں شاہ رخ خان، جان ابراہم اور دیپیکا پڈوکون شامل ہیں۔
