پیرس(نمائندہ خصوصی)فرانس کے 2027 میں ہونے والے صدارتی الیکشن کی دوڑ میں سروے میں سب سے آگے نظر آنے والی رہنما عدالت سے نااہل قرار دیدی گئی۔
عالمی خبر رساں ادارے کے مطابق انتہائی دائیں بازو کی قوم پسند جماعت کی لیڈر مارین لے پین کو اگلے 5 برس تک کسی بھی عوامی عہدے کے لیے نااہل قرار دے دیا گیا۔مارین لے پین کو 4 سال قید کی سزا بھی سنائی گئی جن میں 2 سال معطل سمجھے جائیں گے جب کہ بقیہ دو سال الیکٹرانک ٹیگ کے ساتھ گھر پر نظر بند رکھا جائے گا۔
عدالت کے اس فیصلے کے باعث اب قوم پرست جماعت نیشنل ریلی کی خاتون رہنما مارین لے پین آئندہ صدارتی الیکشن کی دوڑ سے باہر ہوگئیں۔
یاد رہے کہ مارین اور ان کی جماعت کی 2 درجن دیگر شخصیات پر یورپی یونین کے فنڈز سے چار ملین یورو سے زیادہ کی رقوم خرد برد کرنے کا الزام تھا۔ان رہنماوں نے یہ رقم 2004 اور 2016 کے درمیان پارٹی ورکز کو تنخواہیں دینے کے لیے استعمال کیا تھا۔
