ویٹی کن سٹی (انٹرنیشنل نیوز)رومن کیتھولک کے سابق روحانی پیشوا پوپ بینی ڈکٹ 95 برس کی عمر میں انتقال کر گئے ۔غیرملکی میڈیا رپورٹس کے مطابق پاپائے روم بینی ڈکٹ ویٹی کن سٹی میں سخت علالت کے باعث ہفتہ کوایک ہسپتال میں زیرعلاج رہنے کے بعد چل بسے۔
بینی ڈکٹ 2013 میں پاپائیت کی ذمہ داریوں سے دستبردار ہوئے، وہ 600 سال میں مستعفی ہونے والے پہلے پوپ تھے۔ویٹی کن نے ایک بیان میں کہا کہ سابق پوپ کی میت کو 2 جنوری سے سینٹ پیٹرز بیسیلیکا گرجا گھر میں رکھا جائیگا جہاں لوگ ان کا دیدار کر سکیں گے اور 5 جنوری کو سینٹ پیٹرز اسکوائر میں ان کی آخری رسومات پوپ فرانسس ادا کروائیں گے۔
یادرہے کہ چندروزقبل موجودہ فرانسیسی پوپ نے کرسمس کے موقع پر عوامی اجتماع سے خطاب کے آخر میں پوپ بینی ڈکٹ کی صحت یابی کے لئے دعا کی اپیل بھی کی تھی۔
