حکومت نے آئندہ مالی سال 2025-26 کا بجٹ عید الاضحیٰ سے قبل پارلیمنٹ میں پیش کرنے کا اصولی فیصلہ کر لیا ہے۔
ذرائع وزارت خزانہ کے مطابق، عید سے پہلے قومی اسمبلی کا بجٹ اجلاس بلانے پر غور ہو رہا ہے۔ بجٹ 3 سے 5 جون کے درمیان پیش کیے جانے کا امکان ہے۔
وفاقی وزیر خزانہ محمد اورنگزیب آئندہ ہفتے عالمی بینک اور آئی ایم ایف کے سالانہ اجلاسوں میں شرکت کے لیے امریکہ روانہ ہوں گے، جہاں بجٹ سے متعلق مشاورت بھی کی جائے گی۔
آئی ایم ایف کا وفد 14 مئی کو پاکستان پہنچے گا اور سالانہ بجٹ، محصولات اور ترقیاتی اخراجات جیسے اہم نکات پر تبادلہ خیال کرے گا۔
عید کی تعطیلات کے فوراً بعد بجٹ کی منظوری کا عمل شروع کیا جائے گا۔ عالمی بینک اور آئی ایم ایف کی اسپرنگ میٹنگز 21 سے 26 اپریل کو واشنگٹن میں ہوں گی۔
