وفاقی حکومت نے عیدالاضحیٰ کے موقع پر چار دن کی سرکاری تعطیلات کا اعلان کر دیا ہے۔ وزیراعظم شہباز شریف نے تعطیلات کی منظوری دے دی ہے جو 6 جون بروز جمعہ سے 9 جون بروز پیر تک جاری رہیں گی۔
ایکسپریس نیوز کے ذرائع کے مطابق عید کی تعطیلات کے دوران ملک بھر میں تمام سرکاری و نجی دفاتر، بینک، اسکولز اور دیگر تعلیمی ادارے بند رہیں گے، تاکہ عوام عید کی خوشیاں اپنے اہل خانہ کے ساتھ منانے کے لیے بھرپور وقت گزار سکیں۔
واضح رہے کہ ہر سال عیدالاضحیٰ پر جانوروں کی قربانی، مذہبی اجتماعات اور رشتہ داروں سے ملاقات کا سلسلہ عروج پر ہوتا ہے، اسی لیے حکومت کی جانب سے مسلسل چار دن کی تعطیلات کو عوامی سہولت کے لیے خوش آئند قرار دیا جا رہا ہے۔
