اسلام آباد(نمائندہ خصوصی )پاکستان مسلم لیگ (ن)کے رہنما اور وزیر دفاع خواجہ آصف نے کہا ہے کہ عمران خان کو گرفتار کرنے سے بہتر ہے انہیں دوڑائیں،
انہوں نے کہا کہ عمران کی سیاسی بزدلی سے تو حکومت کو فائدہ ہے، گزشتہ روز قوم نے عمران خان کی بزدلی دیکھی،عمران خان گرفتار ی سے چھپ رہے تھے، ان کا کہنا تھا شبلی فراز کہتے ہیں کہ عمران خان یہاں نہیں ہیں، حقیقت میں عمران خان وہیں سے خطاب کررہے تھے،]
وزیر دفاع نے کہاکہ جہاں بھی اتحادی حکومت ہوتی ہے وہاں چھوٹے موٹے اختلاف ہوتے ہیں، اختلافات باہمی گفتگو سے حل ہو جاتے ہیں، پیپلز پارٹی وزرانے ہمیشہ اتحادی حکومت کا ساتھ دیا۔
