عمران خان انا چھوڑ کر اپوزیشن سے بات کرتے تو آج یہ حالات نہ ہوتے،محمود مولوی

اسلام آباد(نمائندہ خصوصی) استحکام پاکستان پارٹی کے رہنما محمود مولوی کا کہنا ہے اگر عمران خان اپنی حکومت میں انا چھوڑ کر اپوزیشن سے بات کرتا ہے تو آج یہ حالات نہ ہوتے۔

انہوں نے نجی ٹی وی گفتگو کرتے ہوئے مزید کہا کہ ایک دوسرے پر کیچڑ اچھالنا مناسب نہیں، عوام کی ترقی کی بات کرنی چاہیے۔تحریک انصاف نے ساڑھے تین سال میں عوام سے کیا گیا ایک وعدہ بھی پورا نہیں کیا۔پی ڈی ایم کی 17 ماہ کی کارکردگی بھی عوام کے سامنے ہے۔

آئی پی پی منشور میں دعوے نہیں کر رہی بلکہ عمل درآمد کر کے دکھائے گی۔عملی اقدامات سے 300 یونٹ تک بجلی مفت کر کے دکھائیں گے۔محمود مولوی نے مزید کہا کہ پی ٹی آئی اپنے دور میں نہ انصاف دے سکی اور نہ کرپشن ختم کر سکی۔تمام جماعتیں دعوی کر رہی ہیں لیول پلینگ فیلڈ نہیں مل رہی ۔تمام جماعتوں کے بیانات سے لگتا ہے سب کو ایک ہی فیلڈ ملی ہوئی ہے۔تمام قائدین کے کیسز کے فیصلے ہو جائیں تو پھر لیول پلینگ فیلڈ ہوگی