کراچی(کامرس ڈیسک) عالمی مارکیٹ میں سونے کی قیمت میں کمی کے باوجود مقامی صرافہ مارکیٹوں میں سونا مہنگا ہوگیا۔
تفصیلات کے مطابق مقامی صرافہ مارکیٹوں میں منگل کو فی تولہ اور فی دس گرام سونے کی قیمتوں میں بالترتیب 500 روپے اور 429 روپے کا اضافہ ہوگیا جبکہ عالمی مارکیٹ میں فی اونس سونے کی قیمت 12 ڈالر کی کمی سے 1832 ڈالر کی سطح پر آگئی۔
قیمتوں میں اضافے کے نتیجے میں کراچی حیدرآباد سکھر ملتان لاہور فیصل آباد راولپنڈی اسلام آباد پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر 197000 روپے اور فی دس گرام سونے کی قیمت بڑھ کر 168896 روپے کی سطح پر آگئی۔اسی طرح فی تولہ چاندی کی قیمت 20 روپے کے اضافے سے 2150 روپے اور دس گرام چاندی کی قیمت 17.14 روپے کے اضافے سے 1843.27 روپے کی سطح پر آگئی۔
