ویب ڈیسک، 29 اپریل 2025
انسٹاگرام پر سب سے زیادہ فالو کیے جانے والے شخص کا اعزاز ایک بار پھر کرسٹیانو رونالڈو کے نام رہا، جبکہ لیونل میسی بھی اس فہرست میں دوسرے نمبر پر موجود ہیں۔
تازہ رپورٹ کے مطابق سعودی کلب النصر سے وابستہ پرتگالی فٹبالر رونالڈو کے انسٹاگرام فالوورز کی تعداد 600 ملین سے تجاوز کر چکی ہے۔ دوسری جانب ارجنٹائن کے اسٹار لیونل میسی 500 ملین سے زائد فالوورز کے ساتھ دوسرے نمبر پر ہیں۔
امریکی گلوکارہ سیلینا گومز تیسرے نمبر پر براجمان ہیں جنہیں 400 ملین سے زیادہ صارفین فالو کرتے ہیں۔ برازیل کے نیمار جونیئر اور فرانس کے کیلیان امباپے بھی بالترتیب 200 ملین اور 120 ملین فالوورز کے ساتھ فہرست میں شامل ہیں۔
دلچسپ بات یہ ہے کہ رونالڈو نہ صرف انسٹاگرام کے مقبول ترین شخصیت ہیں بلکہ ان کی ہر پوسٹ پر اوسطاً 10 سے 20 ملین لائکس آتے ہیں، جو ان کی عالمی شہرت کا منہ بولتا ثبوت ہے۔
