خواتین کے جائیداد کے حقوق کے تحفظ کی جانب ایک اہم قدم سامنے آیا ہے، جہاں وفاقی محتسب نے ایک خاتون کو سابق شوہر کی مشترکہ جائیداد سے نصف حصہ دلوا دیا۔
تفصیلات کے مطابق، ملیحہ محبوب حیدر نے علیحدگی کے بعد وفاقی محتسب برائے انسداد ہراسیت (فوسپاہ) سے رجوع کیا اور جائیداد کی منصفانہ تقسیم کی درخواست کی۔
تحقیقات اور جائیداد کی مالیت کا جائزہ لینے کے بعد، فوزیہ وقار نے انصاف و مساوات کے اصول کے تحت ملیحہ حیدر کے حق میں فیصلہ دیتے ہوئے انہیں 50 فیصد ملکیت دینے کا حکم دیا۔
یہ فیصلہ ڈاکٹر شیراز احمد چیمہ کے خلاف شکایت پر سنایا گیا، اور اسے خواتین کے مالیاتی حقوق کے لیے ایک مثالی اقدام قرار دیا جا رہا ہے۔
