اسلام آباد(ہیلتھ ڈیسک) سرطان ایک ایسا خطرناک مرض ہے جس کے علاج کیلئے خطیر رقم کے ساتھ ساتھ طویل وقت بھی درکار ہوتا ہے۔
تاہم ماہرین نے کھانے کی ایسی چیز بتادی ہے جو کینسر سے بچا سکتی ہے۔ دنیا بھر میں ہر سال لاکھوں لوگ سرطان کے مرض میں مبتلا ہو جاتے ہیں اور ان میں سے کئی افراد کو یہ مرض موت کا راستہ دکھا دیتا ہے۔ تاہم ماہرین کا کہنا ہے کہ اگر صحت مندانہ خوراک اپنائی جائے تو ہر طرح کے کینسر سے 30 سے 40 فیصد تک بچا جا سکتا ہے۔ ایک حالیہ تحقیق کے مطابق ماہرین نے بتایا ہے کہ زیتون کا تیل کینسر سے بچاسکتا ہے۔
ماہرین کا کہنا ہے کہ زیتون کا تیل دماغ کے کینسر سے بچا ﺅکے لیے انتہائی اہمیت رکھتا ہے۔ اس میں ایک ایسا کمپاونڈ پایا جاتا ہے جو کینسر کے ٹیومرز کو پیدا ہونے سے روکتا ہے۔ ماہرین کے مطابق زیتون کے تیل کا بنیادی جزو اولیک ایسڈ دماغ کے اندر موجود ان مالیکیولز کی مقدار اور کارکردگی میں اضافہ کرتا ہے جو خطرناک کینسر کے خلیات کو پیدا ہونے اور نشوونما پانے سے روکتے ہیں۔
ماہرین نے مزید کہا ہے کہ کینسر سے بچاو کیلئے زیتون کے ریفائنڈ تیل کی بجائے عام تیل استعمال کرنا چاہیے۔ یہ تیل کینسر سے بچا ﺅکیلئے ریفائنڈ تیل کی نسبت 6 گنا زیادہ موثر ہے۔
