کینیڈا کی مائننگ کمپنی "بیرک گولڈ” کے چیف ایگزیکٹو آفیسر مارک بیرسٹو نے ریکوڈک کے ذخائر سے متعلق تہلکہ خیز انکشاف کرتے ہوئے کہا ہے کہ یہاں سے 70 ارب ڈالر تک کا سونا اور تانبا نکالا جا سکتا ہے۔
مارک بیرسٹو نے جیو نیوز کے اینکر شہزاد اقبال کو انٹرویو دیتے ہوئے کہا کہ ان کی کمپنی سعودی عرب اور امریکا سمیت دنیا بھر سے سرمایہ کاری کا خیرمقدم کرے گی۔ بیرک گولڈ کمپنی پاکستان میں ریکوڈک منصوبے پر کام کرنے کی حامی بھر چکی ہے۔ اس منصوبے میں بیرک گولڈ 3 ارب ڈالرز کی سرمایہ کاری کرے گی اور اس کا 50 فیصد حصہ ہوگا، جبکہ باقی 50 فیصد حکومتِ پاکستان اور بلوچستان کے پاس ہوگا۔
پہلے حصے پر کام رواں سال سے شروع ہونے کی توقع ہے اور 2028ء میں اس منصوبے کی پہلی پروڈکشن متوقع ہے۔
