اسلام آباد (نمائندہ خصوصی) وفاقی وزیر میاں جاوید لطیف نے کہا ہے کہ دوسری مرتبہ گرفتار کرنے سے عمران خان کا دماغ ٹھیک ہوجائے گا جس طرح پہلی بار گرفتار کرنے سے اس کی ٹانگ ٹھیک ہوگئی تھی جو 6ماہ سے ٹھیک نہیں ہورہی تھی،
نواز شریف سے معافی مانگ کر واپس لایا جائے تو ملک ترقی کرئے گا،قوم متحد ہوگی اور سازشوں سے نکلا جاسکے گا، ان خیالات کا اظہار انہوں نے منگل کے روز قومی اسمبلی کے اجلاس میں کیا، میاں جاوید لطیف نے کہاکہ سازش کرنے والے کرداروں کو بے نقاب کریں پاکستان کے اندر عالمی فورسز مداخلت کرتی رہیں ہیں مگر کبھی کھلے عام سازش کو سپورٹ نہیں کیا جوآج کررہی ہیں۔ 9مئی کے واقعات پر آرمی ایکٹ میں مقدمات چلائے جائیں۔
عدالتوں سے ضمانتیں ملیں تو آرمی ایکٹ کے تحت مقدمات چلائے جائیں گے۔اصل کرادر کو سزا نہ دی گئی اور چھوڑ دیا گیا اور عام لوگوں کو سزا ملے تو اس کی مخالفت کریں گے چاہے یا عالمی دباو¿ کے تحت کیا جائے۔ ان کا منصوبہ پاکستان کو توڑنا تھا۔ آئین کے ماورا اقدام کی مخالفت کی ہے۔ہم پاکستان کے اداروں کا دفاع کریں گے۔ چھوٹوں کو پکڑ لیا گیا اور بڑوں پر ہاتھ نہیں ڈالا جارہاہے۔
عدلیہ نے ایک ایسا فیصلہ نہیں دیا جو لاڈلے کے خلاف ہو۔2017سے پاکستان میں اداروں کے بجائے شخصیات کوسامنے لایا گیا، قانون اور آئین کے مطابق ریاست کو چلنا چاہیے۔سپریم کورٹ کے آنے والے سربراہ بھی یہی چاہتے ہیں۔ 2017کے کرداروں کوبے نقاب کیا جائے تاکہ پاکستان محفوظ ہوسکے۔
نواز شریف سے معافی مانگ کر واپس لایا جائے تو ملک ترقی کرئے گا اور قوم متحد ہوگی اور سازشوں سے نکلا جاسکے گا۔عمران خان کو دوسری مرتبہ گرفتار کرنے سے عمران خان کا دماغ ٹھیک ہوجائے گا جس طرح پہلی بار گرفتار کرنے سے اس کی ٹانگ ٹھیک ہوگئی تھی جو 6ماہ سے ٹھیک نہیں ہورہی تھی
