لاہور( نیوز رپورٹر) وزیر اطلاعات پنجاب عظمی بخاری نے کہا ہے کہ خیالی پلا پکانے والے اور جادو ٹونے سے حکومت چلانے والوں کا وقت گزر چکا،پنجاب حکومت کا عوامی خدمات کا ریکارڈ قائم کرنے کا پہلا سال مکمل ہوا، مریم نواز نے ایک سال میں وہ تاریخ ساز کام کیے جو پہلے کوئی حکومت نہیں کرسکی۔
اپنے بیان میں انہوں نے کہا کہ پنجاب کے عوام نے مریم نواز کو جو مینڈیٹ دیا اس کے بدلے میں مریم نواز پنجاب کو ترقی یافتہ بنا رہی ہیں،مریم نواز نے گڈ گورننس، میرٹ اور شفافیت کو اپنا موٹو بنایا ہے۔انہوںنے کہا کہ فتنے، فساد اور انتشار کی سیاست کو دفن کردیا اب صرف کام ہوگا۔
انہوں نے کہا کہ باقی صوبوں کے ترجمان ہمت کریں اور اپنے وزرائے اعلی کی کارکردگی قوم کے سامنے پیش کریں۔انہوںنے کہاکہ مریم نواز پنجاب کے عوام کے توقعات پر پورا اتری ہیں،مسلم لیگ (ن)وعدوں کی تکمیل کا نام ہے،خیالی پلا پکانے والے اور جادو ٹونے سے حکومت چلانے والوں کا وقت گزر چکا ہے
اب نوازشریف کا دور ہے عوامی خدمت کا دور ہے،مریم نواز نے پاکستان میں سیاست کے پیمانے کو یکسر تبدیل کردیا ہے۔ انہوں نے کہا کہ پنجاب کے عوام نے مریم نواز کو جو مینڈیٹ دیا اس کے بدلے میں مریم نواز پنجاب کو ترقی یافتہ بنارہی ہیں۔
