لاہور (ہیلتھ رپورٹر)صوبائی وزیرصحت خواجہ سلمان رفیق کی زیرصدارت محکمہ سپیشلائزڈہیلتھ کئیراینڈمیڈیکل ایجوکیشن میں اہم اجلاس منعقد ہوا۔اجلاس میں سپیشل سیکرٹری ڈویلپمنٹ ذیشان شبیررانا،ایڈیشنل سیکرٹریزڈاکٹروحیداصغراور انوربریار،سی ای اوپنجاب انسٹی ٹیوٹ آف کارڈیالوجی پروفیسربلال محی الدین ددیگرافسران نے شرکت کی۔
وڈیولنک کانفرنس کے ذریعے ڈاکٹرعدنان خان،ڈاکٹراظہرمحمودکیانی، ڈاکٹرفرقدعالمگیر،وائس چانسلر کنگ ایڈورڈمیڈیکل یونیورسٹی پروفیسرمحمودایاز،وائس چانسلر یونیورسٹی آف چائلڈہیلتھ سائنسز پروفیسرمسعودصادق، آئی ڈیپ سے اسدعلی،علی عاصم اور آصف رضا،حمزہ،مجتبی صدیقی،عاصم جاوید و دیگر نے شرکت کی۔
صوبائی و زیر صحت خواجہ سلمان رفیق نے اجلاس کے دوران نوازشریف انسٹی ٹیوٹ آف کینسرٹریٹمنٹ اینڈریسرچ لاہور،نوازشریف انسٹی ٹیوٹ آف کارڈیالوجی لاہوراور نواز شریف انسٹی ٹیوٹ آف کارڈیالوجی سرگودھا پر جاری پیش رفت کا تفصیلی جائزہ لیا۔متعلقہ حکام نے اس حوالہ سے صوبائی وزیر کو بریفنگ بھی دی۔صوبائی وزیرصحت خواجہ سلمان رفیق نے اظہارخیال کرتے ہوئے کہاکہ حکومت پنجاب صحت کے شعبہ میں تاریخی اور انقلابی اقدامات اٹھارہی ہے۔وزیراعلیٰ پنجاب مریم نواز شریف عوام کو صحت کی بہترین سہولیات فراہم کرناچاہتی ہیں۔حکومت پنجاب نے صحت عامہ کو بہتربنانے کیلئے اربوں روپوں کے میگا پراجیکٹش شروع کئے ہیں۔
حکومت پنجاب نوازشریف انسٹی ٹیوٹ آف کینسرٹریٹمنٹ اینڈریسرچ لاہور،نوازشریف انسٹی ٹیوٹ آف کارڈیالوجی لاہوراور نواز شریف انسٹی ٹیوٹ آف کارڈیالوجی سرگودھاکو جدید طبی آلات سے آراستہ کیا جا رہا ہے۔تینوں میگا پراجیکٹس کو انشاء اللہ ریکارڈ مدت میں عوام کیلئے مکمل کررہے ہیں۔خواجہ سلمان رفیق نے کہاکہ وزیراعلیٰ پنجاب مریم نوازشریف اپنی تمام تر توجہ شعبہ صحت کی بہتری پر مرکوزکئے ہوئے ہیں۔تینوں ہسپتالوں میں مریضوں کو بین الاقوامی سطح کی طبی سہولیات فراہم کی جائیں گی۔
٭٭٭٭٭
