نیوز روم /امجد عثمانی
کبھی ہاتھ سے خط لکھنے کا رواج تھا۔۔۔۔۔۔۔قلم۔۔۔۔۔۔۔۔ قرطاس کے بوسے لے لے کر "حال دل "کہتی تھی تو محبت نامہ وجود میں آتا۔۔۔۔۔خاکی وردی میں ملبوس ڈاکیے کو سائیکل پر اپنے گلی محلے کی طرف دیکھ کر دل کی دھڑکنیں تیز ہوجاتیں۔۔۔۔۔۔جتنے چائو سے خط لکھے جاتے اتنے ہی پیار سے پڑھے جاتے۔۔۔۔۔۔۔
کوئی بیس سال پہلے لکھے ایک خط کا عکس جو لکھا تو "مارکر” نامی قلم سے لیکن اسے پوسٹ انٹرنیٹ کے ذریعے کیا ۔۔۔۔ایک روز پہلے بہت ہی نفیس رفیق کار عمیر محمود مجھے پریس کلب ڈراپ کرنے آئے تو راستے میں ان سے مکتوب نگاری پر گفتگو کرتے کرتے اپنے عہد کے ایماندار ترین اخبارنویس جناب خالد چودھری کے نام لکھے خط کا ذکر بھی ہوا۔۔۔۔۔ان سے کہا کہ کبھی اسے شئیر کروں گا۔۔۔۔۔۔۔۔حسن اتفاق ۔۔۔۔۔آج شب کسی ایک کتاب کی ورق گردانی کرتے یہ عقیدت نامہ مل گیا۔۔۔۔۔۔
دوستوں کے ذوق طبع کے لیے تین صفحات کے اس یاد گار مکتوب کا پہلا صفحہ پیش خدمت ہے۔۔۔۔۔۔
