اسلام آباد (کامرس رپورٹر )ملک میں خام تیل کی درآمدات میں رواں مالی سال کے دوران سالانہ بنیادوں پر اضافہ ہو گیا ۔ادارہ شماریات کے مطابق جاری مالی سال کے پہلے 8 ماہ میں خا م تیل کی درآمدات پر 3.56 ارب ڈالر زرمبادلہ خرچ ہوا جو گزشتہ مالی سال کی اسی مدت کے مقابلہ میں 7 فیصد زیادہ رہا۔
گزشتہ مالی سال کی اسی مدت میں خا م تیل کی درآمدات پر 3.35 ارب ڈالر زرمبادلہ خرچ ہوا تھا، فروری 2025 میں خام تیل کی درآمدات کا حجم 443 ملین ڈالر ریکارڈ کیا گیا جو گزشتہ سال فروری کے مقابلہ میں 19 فیصد زیادہ ہے۔یاد رہے کہ جاری مالی سال کے پہلے 8 ماہ میں پیٹرولیم مصنوعات کی مجموعی درآمدات کا حجم 10.70 ارب ڈالر ریکارڈ کیا گیا جو گزشتہ مالی سال کی اسی مدت کے 10.57 ارب ڈالرکے مقابلہ میں 1.2 فیصد زیادہ ہے۔
