کراچی: ایڈیشنل ڈسٹرکٹ اینڈ سیشن جج جنوبی کی جینڈر بیسڈ وائلنس عدالت نے اپنی بہن پر تیزاب پھینکنے والے ملزم محمد رمضان کو سخت سزا سنا دی۔ عدالت نے ملزم کو 14 سال قید اور 10 لاکھ روپے جرمانے کی سزا سناتے ہوئے متاثرہ خاتون کو 50 ہزار روپے ہرجانہ ادا کرنے کا بھی حکم دیا۔
فیصلے کے مطابق ملزم نے نہ صرف اپنی بہن پر تیزاب پھینکا بلکہ اس کے بعد گھر کے باہر دوبارہ حملہ کیا اور بچاؤ کے لیے آنے والے خاتون کے دو بیٹوں کو چھریوں کے وار سے زخمی بھی کیا۔ عدالت نے بچوں کو زخمی کرنے کے جرم میں ملزم کو مزید 4، 4 سال قید اور 4 لاکھ روپے ہرجانہ دینے کا بھی حکم دیا۔
یہ واقعہ 2022 میں پیش آیا تھا، جب ملزم نے اپنی بہن پر تیزاب پھینک کر نہ صرف اسے شدید نقصان پہنچایا بلکہ معاشرتی سطح پر خواتین کے خلاف بڑھتے ہوئے تشدد کے واقعات میں ایک اور تاریک باب کا اضافہ کیا۔
