جب گریجویشن میں تھی تو زندگی کا بہت مشکل دور دیکھا’ صرحا اصغر

لاہور(شوبز ڈیسک) نامور اداکارہ صرحا اصغر نے کہا ہے کہ جب میں گریجویشن میں تھی تو ایک معاملے کی وجہ سے اپنی زندگی کا بہت مشکل دور دیکھا، گھر والے اور خاص کر بڑے بھائی بہت اعتماد کرتے تھے ۔

ایک انٹر ویو میں انہوں نے کہا کہ مجھ سے گھر والوں نے پوچھا کہ یہ لوو افیئر ہے تو میں نے کہا کہ ایسا نہیں ہے، گریجویشن کا وہ دور بہت مشکل تھا۔صرحا نے بتایا کہ بھائی بہنوں میں ان کا پانچواں نمبر ہے، انہیںگھر والوں نے زندگی میں کچھ کرنے سے منع نہیں کیا، مجھے آزادی دی ہے۔اپنی یونیورسٹی کے دور کو یاد کرتے ہوئے انہوں نے انکشاف کیا کہ یہ ایک بہت سنجیدہ مسئلہ تھا،

اس موقع پر بھائی نے مجھے کہا کہ تم پر بہت اعتماد ہے، جب انہوںنے ایسا کہا تو مجھے لگا انہیںواقعی مجھ پر بہت اعتماد ہے، میرے دوستوں نے بھی مجھے اس موقع پر چھوڑ دیا تھا۔انہوں نے کہا کہ گھروالوں نے مجھ پر بہت اعتماد کیا جس کا بوجھ ہمیشہ میں نے محسوس کیا اور اب بھی میں اس اعتماد پر پورا اترنے کی کوشش کرتی ہوں۔